ADDEk (Euskal Herriko Dantza Profesionalen Elkartea) antolaturik, EDADEIren 6. mintegia (Encuentro de Danza, Art dramático, Éducación e Investigación) Bilboko Dantzerti Arte Dramatiko eta Dantzako Goi Mailako Eskolan egin da aurten, urriaren 19an.
EDADEIk, bere jardueren bidez, sorkuntzaren, hezkuntzaren eta ikerketaren arteko elkarrizketa sustatzea du helburu, arte eszenikoek eragiten duten eraldaketa-gaitasuna agerian jartzeko.
Urtero antolatzen diren topaketa hauek sare-lanean oinarritzen dira, honako hauekin elkarlanean: BAD eta LABO XL jaialdiak, EAB, Gasteizko Nazioarteko Antzerki Jaialdia, eta dantzari eskainitako hiru egitura: Dantzagunea, Dantzaz eta Dantzerti.
Bilbon egindako seigarren edizio honetan, EDADEIk Pantxika Telleria hartu du. Hark sorkuntza artistikoaren arloan izandako esperientzia partekatu du, baita bitartekaritzan eta transmisioan duen ezagutza eta eskarmentua ere, mugaren bi aldeetan ikuspegi desberdinetatik lantzen diren arloak.
