Haikuak, zuzeneko musika, dantza, poesia… tXIotxioka-k denbora moteltzera eta natura fantasiazko batean une berezi eta magiko bat bizitzera gonbidatzen gaitu. Japoniako haiku tradizionaletatik hartutako eta euskarara itzulitako hitzek irudimenezko soilgune batera eramaten gaituzte. Bertan, izaki xarmangarri batzuek bizia ematen diote inguruneari: jauzika eta elkarri segika dabiltza, beren artean hitz egiten dute, eta axolagabeko mundu txiki horretan murgiltzera gonbidatzen gaituzte.
Urruñako Elealai jaialdian, konpainiaren azken sorkuntza musikal eta koreografiko honek ikusle gazteenak liluratu ditu, haiekin batera amets egitea maite duten helduen gozamenerako. Ikasturteari egiteko, Lesakako Harriondoa kultur etxean, herriko bi eskoletako ikasleak liluratu dira Jon Vernier eta Joana Ouret dantzarien txandaka emanaldiarekin, Paxkal Irigoyenen zuzeneko musikarekin eta Maddi Zubeldia artistarekin. Azken honek ibilaldi harrigarri honetako gidari gorpuzten du.
Euskal Herri Hirigune Elkargoaren lankidetzari esker, tXIotxioka ikuskizuna haur eta gazteengana iritsiko da Bidaxunen, Donapaleun, Libarrenx-en eta Saran. Familiei eta poesia zaleei hitzordu bana proposatzen dizkiegu: azaroaren 22an, igandean, Sarako Lurberri gelan, eta azaroaren 25ean, asteazkenean, Donapaleuko Bilbalka gunean.
